საქართველოს მეცნიერებათა აკადემიამ კომპლექსური მონოგრაფიის „კლარჯეთი“ ავტორთა ჯგუფს ივანე ჯავახიშვილის სახელობის აკადემიური პრემია მიანიჭა. მონოგრაფია იმ სამეცნიერო პროექტის შედეგების საფუძველზე მომზადდა, რაზეც ბათუმის შოთა რუსთაველის სახელმწიფო უნივერსიტეტის ქართველოლოგიის ცენტრის მეცნიერ-თანამშრომლებმა წლების განმავლობაში იმუშავეს. რამდენად მოხერხდა კლარჯეთის ისტორიის, ეთნოგრაფიის, ფოლკლორის შესწავლა და გაგრძელდება თუ არა კვლევები -ამ თემაზე სასაუბროდ გადაცემის სტუმრები იყვნენ პროექტის „კლარჯეთი“ სამეცნიერო ხელმძღვანელი, პროფესორი მამია ფაღავა და პროექტის კოორდინატორი, პროფესორი მალხაზ ჩოხარაძე.