ცვლილებები ექსპროპრიაციის წესში
აუცილებელი საზოგადოებრივი საჭიროებისთვის საკუთრების ჩამორთმევის წესის შესახებ საქართველოს კანონში დაგეგმილ ცვლილებებს მესამე სექტორი უარყოფითად აფასებს. არასამთავრობო ორგანიზაციების წარმომადგენლების განცხადებით, განსაკუთრებით პრობლემატური ექპროპრიაციის პროცესში საპოლიციო გამოსახლების დაშვებაა. მათი აზრით აღნიშნული აჩენს რისკებს შეილახოს მოქალაქეთა ძირითადი უფლებები და თავისუფლებები. შეფასებები პროექტთან დაკავშირებით, თოქ-შოუ “ფაქტორში” საერთაშორისო გამჭვირვალო საქართველოსა და მწვანე ალტერნატივის იურისტებმა გააკეთეს. რაც შეეხება საკანონმდებლო ცვლილებებს, მისი განხილვა პარლამენტში უკვე დაწყებულია.