საზმაუწყებლის აჭარის ტელევიზიისა და რადიოს მრჩევლებს კანონმდებლები ივლისში მოუსმენენ
საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს ანგარიშს უმაღლესი საბჭოს დეპუტატები პლენარული სხდომის ფორმატში მოისმენენ. ანგარიშიც მოსმენისა და ცნობად მიღების წესი რეგიონის საკანონმდებლო ორგანოს წევრებმა დღეს სპეციალური დადგენილება განსაზღვრეს.
აქამდე აჭარის ტელევიზიისა და რადიოს მრჩეველთა საბჭოს ანგარიშს კანონმდებლები მხოლოდ კომისიებსა და ფრაქციებში ეცნობოდნენ, ზუსტი წესი კი იურიდიულ და საპროცედურო საკითხთა კომისიის თავმჯდომარის განმარტებით რეგლამენტში გაწერილი არ არის. ამიტომ დეპუტატებს ამავე რეგლამენტით გათვალისწინებული უფლების გამოყენება და დადგენილების მიღება მოუხდათ. აჭარის უმაღლესი საბჭოს თავმჯდომარის განცხადებით საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს ანგარიშს სავარაუდოდ ივლისში მოისმენენ.