თურქეთში დაკავებულ 4 ქართველს წინასწარი პატიმრობა მიესაჯა
თურქეთში დაკავებულ 4 ქართველს, აღკვეთის ღონისძიების სახით, წინასწარი პატიმრობა მიესაჯა, 1 ქალი კი, ქვეყნიდან გაუსვლელობის პირობით, სასამართლო დარბაზიდან გაათავისუფლეს. არსებული ინფორმაციით, თურქმა სამართალდამცველებმა ანტალიაში ხუთკაციანი ჯგუფი დააკავეს, რომლებსაც ბრალად ედებათ მანქანებისა და სახლების ძარცვა. გამოძიების ინფორმაციით, დაკავებულების საცხოვრებელ სახლებში ამოღებულია ოქროულობა, მობილური ტელეფონები და კომპიუტერები.