დასაქმების ფორუმი
ხვალ, 14:00-დან 16:00 საათამდე, სასტუმრო „ვინდემ ბათუმში“, სოციალური მომსახურების სააგენტოს ორგანიზებით, დასაქმების ფორუმი გაიმართება.
ორგანიზატორების ინფორმაციით, ფორუმში 35-მდე დამსაქმებელი შრომის ბაზარზე არსებული 2000-ზე მეტი აქტიური ვაკანსიით ჩაერთვება. კერძო სექტორი ფორუმზე თავისუფალ სამუშაო ადგილებს მომსახურების, გაყიდვების, საამშენებლო, ტურიზმის, საბანკო და სადაზღვევო სფეროებიდან წარადგენს.
დასაქმების ფორუმში შრომის ბაზრის მართვის საინფორმაციო სისტემა worknet.gov.ge-ზე დარეგისტრირებული სამუშაოს მაძიებლები მიიღებენ მონაწილეობას, აცხადებს სააგენტოს უფროსის მოადგილე ლევან გოგოძე.